တောဝက်ဘောလုံးအသင်းမှ လူငယ် ၃ဦးကို နိုင်ငံသားဖြစ်ခွင့်ပေးရန် ထိုင်းပြည်ထဲရေးက စီစစ်နေ

သမ်လွန်းလိုဏ်ဂူထဲတွင် ပိတ်မိခဲ့ကြသည့် တောဝက်ဘောလုံးအသင်း နည်းပြဖြစ်သူ Ekkachi Chantawan နိုင်အေနှင့် အဖွဲ့ဝင်များဖြစ်ကြသော Porchai Khamrung နောင့်တီနှင့် Adul Samon အဒွန်လ် တို့၃ဦးအား နိုင်ငံသားဖြစ်ခွင့်ပေးနိုင်ရေးနှင့်ပတ်သက်၍ ထိုင်း ပြည်ထဲရေးဝန်ကြီးဌာနက စီစစ်နေကြောင်း ထိုင်းသတင်းဌာနတစ်ခုက ရေးသားထားသည်။

ယခုအခါတွင်မယ်ဆိုင်မြို့သက်ဆိုင်ရာအာဏာပိုင်များက ယင်းတို့၃ဦးသည် ထိုင်းနိုင်ငံတွင် မွေးဖွားခြင်းမှန်ကန်မှုရှိမရှိကိုစစ်ဆေးနေကြောင်း၊ ထို့အပြင် သူတို့၏ မိဘတစ်ဦးဦးအနေဖြင့် ထိုင်းနိုင်ငံသားဖြစ်ခဲ့လျှင် ထိုင်းနိုင်ငံသားဖြစ်ရန် အခွင့်အလမ်းပိုမိုရရှိနိုင်ကြောင်း သိရသည်။

နိုင်ငံသားခံယူခွင့်တောင်းခံရန်အတွက် အသက်၁၈နှစ်အောက်လူငယ်များအနေဖြင့် မိမိနေထိုင်ရာဒေသ၏ ခရိုင်ရုံးသို့လျှောက်ထားတောင်းခံနိုင်ပြီး အသက်၁၈နှစ်အထက်ဆိုလျှင်မူ ပြည်နယ်အုပ်ချုပ်မှူးရုံသို့ လျှောက်ထားတောင်းခံနိုင်သည်ဆို၏။

Source-Popular News Journal

%d bloggers like this: