ဘ၀လက်တွဲဖော်အဖြစ် မရွေးချယ်သင့်တဲ့ လူစားမျိုး….

0
192

ကိုယ့်ရဲ့ ဘဝလက်တွဲဖော်ကို ရွေးချယ်တဲ့အခါမှာ အချစ်တစ်ခုတည်းနဲ့လည်း ရွေးချယ်လို့ မရပါဘူး။ သူ့ရဲ့ သစ္စာရှိမှု၊ အကျင့်စရိုက်များကိုလည်း သေချာသိထားဖို့တော့ လိုပါတယ်။ တစ်ဘဝစာလုံး အတွက် ရည်ရွယ်သူဖြစ်လို့ ကိုယ့်ကိုအမြဲပျော်ရွှင်အောင် ဖန်တီးပေးနိုင်သူဖြစ်နေမှ တည်မြဲတဲ့ Relationship ကို ပိုင်ဆိုင်နိုင်မှာပါ။ ဒါ့ကြောင့် အခုဖော်ပြပေးမယ့် အချက်တွေနဲ့ ကိုက်ညီမှုရှိနေရင် သင့်ကို ပျော်ရွှင်မှု ပေးစွမ်းနိုင်မယ့် လက်တွဲဖော် မဖြစ်နိုင်သေးပါဘူး။

(၁) အရာရာကိုချုပ်ချယ်ပြီး သဝန်တိုလွန်းသူ

ချစ်သူတစ်ဦးနဲ့ တစ်ဦး အဆင်ပြေစေဖို့အတွက် ကိုယ်ပိုင်လွတ်လပ်ခွင့်လေးတော့ ရှိထားသင့်ပါတယ်။ ဒီလိုမဟုတ်ဘဲ ကိစ္စရပ်တစ်ခုစီတိုင်းကို အမြဲ control လုပ်ပြီး သဝန်တိုနေမယ်၊ ပိတ်ပင်တားမြစ် နေမယ် ဆိုရင် ပျော်ရွှင်ဖွယ် relationship တစ်ခု ဖြစ်မလာနိုင်ပါဘူး။ ကိစ္စအသေး အမွှား လေးကအစ ချုပ်ချယ်ပြီး သဝန်တိုနေမယ်ဆိုရင် အချိန်ကြာလာတာနဲ့အမျှ တစ်ဦးနဲ့ တစ်ဦး တိုင်ပင်ဆွေးနွေးမှုတွေ၊ ပွင့်လင်းမှုတွေ မရှိကြတော့ဘဲ သွေးအေးသွားနိုင်ပါတယ်။ ဒါ့ကြောင့် အရာရာချုပ်ချယ်ပြီး သဝန်တိုလွန်းတဲ့သူကို ကိုယ့်ရဲ့ဘဝလက်တွဲဖော်အဖြစ် မစဉ်းစားသင့်ပါဘူး။

(၂) တစ်ကိုယ်ကောင်းဆန်သူ

အတ္တကြီးမှုတွေနဲ့ တစ်ကိုယ်ကောင်းဆန်တဲ့ စိတ်ကလည်း တည်မြဲတဲ့အချစ်ရေးကို ပြိုကွဲစေနိုင်တဲ့ အချက်ပါပဲ။ ကိုယ့်ဘက်က ချစ်တာကိုပဲသိပြီး တစ်ဖက်သားရဲ့ စိတ်ခံစားချက်၊ ဆန္ဒတွေကို လျစ်လျူရှုတာက တစ်ကိုယ်ကောင်းဆန်တဲ့ သူတွေပါ။ ဒါတွေကြောင့် တစ်ကိုယ်ကောင်းဆန်တဲ့ သူကိုလည်း လက်တွဲဖော်အဖြစ် မရွေးချယ်သင့်ပါဘူး။

(၃) မကြာခဏ အငြင်းပွားတတ်သူ

ကိစ္စရပ်တစ်ခုကို အချိန်ကြာရှည်စွာ မကြာခဏ အငြင်းအခုံပြုလုပ်တာကလည်း သင်တို့ရဲ့ ပျော်ရွှင်ဖွယ် အချစ်ရေး ကို ထိခိုက်လာစေနိုင်ပါတယ်။ ပြဿနာတစ်ခု ဖြစ်ပေါ်လာရင် အကျိုးသင့်အကြောင်းသင့် ဖြေရှင်းတတ်ဖို့ ပဲ လိုတာပါ။ ဒီလိုမဟုတ်ဘဲ ကိစ္စရပ်တိုင်းကို ကောင်းကောင်းမွန်မွန် မဖြေရှင်းဘဲ အငြင်းပွားတတ်သူ ဆိုရင်တော့ သင့်ရဲ့ဘဝလက်တွဲဖော်ကောင်း မဖြစ်နိုင်ပါဘူး။

(၄) စိတ်ခံစားချက်ကိုဦးစားပေးသူ

စိတ်ခံစားထိခိုက်လွယ်ပြီး စိတ်အပြောင်းအလဲ မြန်တတ်တဲ့သူကိုလည်း ထိန်းချုပ်ဖို့ ခက်ခဲလှပါတယ်။ ဘာမဟုတ်တဲ့ကိစ္စကိုတောင် တွေးပြီး ဝမ်းနည်းနေမယ်၊ ဒေါသထွက်နေမယ်ဆိုရင် ဖြေရှင်းဖို့ မလွယ်တော့ပါဘူး။ ဒါ့ကြောင့် ဖြစ်သင့်တာထက် စိတ်ခံစားချက်ကို ပိုပြီးဦးစားပေးတဲ့ သူတွေကိုလည်း လက်တွဲဖော်အဖြစ် မရွေးချယ်သင့်ပါဘူး။

(၅) အမှားများကို ဝန်ခံရမှာကြောက်ရွံ့သူ

ပြဿနာတစ်ခု ကြုံလာတဲ့အခါ ကိုယ်လုပ်ခဲ့တဲ့ အမှားအတွက် ဝန်ချ တောင်းပန်ဖို့ကို ဝန်လေး နေတတ်  သူကလည်း သင့်ရဲ့ လက်တွဲဖော်ကောင်း တစ်ယောက် မဖြစ်နိုင်ပါဘူး။ တစ်ဦးနဲ့တစ်ဦး ပွင့်ပွင့်လင်းလင်းနဲ့ ဆွေးနွေးတိုင်ပင်ပြီး အမှားများကို ဝန်ခံရဲတာ၊ တောင်းပန်တာတွေ အတွက် တွန့်ဆုတ်မနေဘူး ဆိုရင် တည်မြဲတဲ့ Relationship တစ်ခုကို တည်ဆောက်နိုင်မှာပါ။

(၆) ပွင့်လင်းမှုမရှိသူ

လျှို့ဝှက်ချက်တွေများပြီး ပွင့်ပွင့်လင်းလင်း မရှိတာကလည်း ပျော်ရွှင်စရာကောင်းတဲ့ အချစ်ရေးကို မတည်ဆောက်နိုင်ပါဘူး။ အရာရာကို လျှို့ဝှက်ပြီး ပွင့်ပွင့်လင်းလင်း ဆွေးနွေးတိုင်ပင်တာမျိုး မပြုလုပ်တော့ဘူးဆိုရင် တစ်ဦးနဲ့တစ်ဦး သွေးအေးသွားနိုင်ပါတယ်။ ဒါ့ကြောင့် မပွင့်မလင်းနဲ့ နေထိုင်တတ်သူကို သင့်ရဲ့ ဘဝလက်တွဲဖော်အဖြစ် လုံးဝမရွေးချယ်သင့် ပါဘူး။

ဖိုးသူတော် (www.phothutaw.com)
Credit: myanmaplatform