သရုပ်ဆောင် မင်းသမီး ပုလဲဝင်းကတော့ အနုပညာလောက ကနေ ၂၀၁၅ ခုနှစ်ကနေစတင် အနားယူလိုက်တာဖြစ်ပြီး သူမရဲ့ မျက်စိ ကျန်းမာရေးအခြေအနေကြောင့် အနားယူခဲ့ရတာလို့သိရပါတယ်။
ဒီဇင်ဘာလ (၆)နေ့က နေပြည်တော်၊ မြို့မဈေး မှာဖွင့်လှစ်ခဲ့တဲ့ သူမရဲ့ MERCI ပိုးထည်နှင့် ကျောက်မျက်ရတနာဆိုင် ဖွင့်ပွဲမှာ အခုလိုဖြေကြားခဲ့တာပါ။
“အခုချိန်မှာကိုယ်က အနုပညာသမားဆိုတော့ အနုပညာကို ပြန်လုပ်ချင်စိတ်တွေတော့ ဖြစ်တာပေါ့။ ပုလဲတို့ခေတ်တုန်းကတော့ VCD ခေတ်ဆိုတော့ VCD ခေတ်က သီချင်းလေးတွေ ကိုယ့်ဇာတ်ကားလေးတွေ ပြန်တွေ့တဲ့ အချိန်ကျတော့ ပြန်ပြီးတော့သတိရတယ်ပေါ့ အနုပညာ အလုပ်ဆိုတာ အရမ်းကိုဝါသနာပါလို့ လုပ်ခဲ့တာလေ ။ဆယ်နှစ်ကျော်တောင်လုပ်ခဲ့တာဆိုတော့ ဒီအလုပ်က တစ်ကယ်ကိုနှစ်သက်တဲ့ ချစ်တဲ့ အလုပ်ပါ ။ဒါပေမယ့်လည်းပုလဲက ကျန်းမာရေးကြောင့် နားလိုက်တာဖြစ်တဲ့အတွက် ထပ်ပြီးတော့လုပ်ဖို့အစီအစဉ်မရှိပါဘူး ။ပုလဲကမျက်စိကျန်းမာရေး ကြောင့်ပါ ။မျက်ကပ်မှန်တပ်ရတယ်။ပါဝါကလည်းများတယ် ။မျက်မှန်ပါဝါက တစ်ထောင် ကျော်တယ် ။မျက်ကပ်မှန်ကနေပူထဲသွားတာတို့ ငိုတာတို့ဆိုရင် သုံးရက်လောက် မျက်ကြောတွေ ညိုပြီးရောင်လာတယ် ။ခေါင်းတွေကိုက်လာတယ် ။အာရုံကြောထိခိုက်တာပေါ့။ ပြီးတော့ မျက်သားခြောက်တယ် ။အဲ့ဒါဆရာဝန်က နားခိုင်းတာလို့နားဖြစ်တာပါ။”လို့ ပုလဲဝင်းက အခုလိုပြောပြခဲ့ပါတယ်။
လက်ရှိမှာတော့ ပုလဲဝင်းက အနုပညာအလုပ်တွေကို လုံးဝနားလိုက်တာဖြစ်ပြီး သရုပ်ဆောင်အလုပ် ပြန်လုပ်ချင်ပေမယ့်မျက်လုံးက ငိုလို့မရတော့တာကြောင့် သူမရဲ့ဝါသနာကို စွန့်လွှတ်ပြီး စီးပွားရေးကိုသာ အာရုံစိုက်ပြီးလုပ်သွားတော့မယ်လို့လည်း သူမကပြောပါတယ်။
အကုန်သိ
