သရုပ်ဆောင်ယမင်းကိုကိုဟာဆိုရင် အနုပညာလှုပ်ရှားမှုတွေ မရှိတော့သူတစ်ဦးဖြစ်ပြီး စီးပွားရေးလုပ်ငန်းရှင်အဖြစ် ရပ်တည်နေသူတစ်ဦးဖြစ်ပါတယ်။
သူမဟာ ပြီးခဲ့တဲ့ ၂၀၁၈ ခုနှစ်မှာ သီရိသုဓမ္မသိင်္ဂီဘွဲ့ကို ပထမဆုံးအကြိမ်ရရှိခဲ့ဖူးပြီး အခု ၂၀၂၀ ခုနှစ်မှာလည်း ဒုတိယအကြိမ်အဖြစ် သီရိသုဓမ္မသိင်္ဂီဘွဲ့ရှင်စာရင်းမှာ ပါဝင်လာပြန်တာပါ။
သူမနဲ့အတူ သီရိသုဓမ္မသိင်္ဂီဘွဲ့ရရှိသူသရုပ်ဆောင်တစ်ဦးကတော့ နန္ဒာလှိုင်ဖြစ်ပြီး ဒီဘွဲ့ဟာ သာသနာတော်အတွက် အထောက်အပံ့လှူဒါန်းမှုများသူတွေကို ပေးတဲ့ဆုတစ်ခုဖြစ်ပြီး ယမင်းကိုကိုနဲ့ နန္ဒာလှိုင်တို့က လူပုဂ္ဂိုလ်တွေအတွက်ပေးတဲ့ဆုစာရင်းမှာ ပါဝင်ခဲ့တာဖြစ်ပါတယ်။
သရုပ်ဆောင်မင်းသား၊ မင်းသမီးတွေထဲမှာ ဒီဆုရရှိထားသူတွေ အများအပြားရှိကြပြီး နန္ဒာလှိုင်ဟာ အစိုးရက သီရိသုဓမ္မသိင်္ဂီဘွဲ့ချီးမြှင့်ခံရသူစာရင်းရဲ့ နံပါတ် ၂၉ ၊ ယမင်းကိုကိုက နံပါတ် ၃၁ အနေနဲ့ ရရှိခဲ့တာ တွေ့ရပါတယ်။
Cele Star
