ချစ်စရာကောင်းတဲ့ မင်းသမီးလေး မုဏ်းက MRTV 4 ဇာတ်လမ်းတွဲတွေမှတဆင့် အောင်မြင်မှုရရှိခဲ့သူတစ်ယောက် ဖြစ်ပါတယ်။ မုဏ်းက ဇာတ်လမ်းတွဲတော်တော်များများမှာ ခေါင်းဆောင်မင်းသမီးတစ်ယောက်အဖြစ် သရုပ်ဆောင်ခဲ့ပြီး ပရိသတ်တွေရဲ့ အားပေးမှုကို ရရှိခဲ့တာ ဖြစ်ပါတယ်။ ပရိသတ်တွေကတည်း မုဏ်းရဲ့ အနုပညာလှုပ်ရှားမှုတွေကို စိတ်ဝင်တစား စောင့်ကြည့်အားပေးလျက်ရှိပါတယ်။
မုဏ်းက ပြီးခဲ့တဲ့ ဇန်နဝါရီလ (၅) ရက်နေ့မှာတော့ သူမအတွက် အရေးကြီးတဲ့ တစ်ဦးတည်းသောသူမွေးနေ့မှာ ခန္ဒာကိုယ်အစိတ်အပိုင်းအားလုံးကို လှူဒါန်းခဲ့ကြောင်း အခုလိုပဲ ပြောပြထားပါတယ်။
“ဒီနေ့လေးက ဒီကမ္ဘာပေါ်မှာ မုဏ်းအရမ်းချစ်ရတဲ့ တစ်ဦးတည်းသောသူရဲ့ မွေးနေ့လေးပါ ။ သူ့မွေးနေ့အထိမ်းအမှတ်ကုသိုလ်အဖြစ် တစ်သက်မှာ တစ်ကြိမ်၊ ဒီဘဝအတွက် တစ်ခါသာ ပေးခဲ့လှူခဲ့နိုင်တဲ့ အရာ(အကုန်) လှူဒါန်းပေးပါတယ် ။”
“(၁) သွေးအလှူ (၂) မျက်ကြည်လွှာအလှူ (၃) ကိုယ်ခန္ဓာအလှူတို့ကို သူ့ရဲ့ မွေးနေ့ကုသိုလ်အဖြစ် လှူဒါန်းပါတယ် ။ ဒါ့အပြင် အခုလက်ရှိရိုက်ကူးနေတဲ့ ဇာတ်လမ်းတွဲတစ်ခုလုံးစာ အနုပညာကြေးကိုလည်း လှူဒါန်းပါတယ် ။”
“အခုလို တနင်္လာသား၏မွေးနေ့ အလှူဒါနကုသိုလ်ကို သိခြင်း ကြားခြင်းဖြင့် ကုသိုလ်ရနိုင်ပါစေရန် ဝမ်းမြောက်ဝမ်းသာ မျှဝေပေးပါတယ် ။” ဆိုပြီး သူမရဲ့ ဖေ့စ်ဘုတ်စာမျက်နှာမှာ မျှဝေထားပါတယ်။
မုဏ်းကတော့ သူမချစ်ရတဲ့ သူအတွက် တစ်သက်မှာ တစ်ကြိမ်၊ ဒီဘဝအတွက် တစ်ခါသာ ပေးခဲ့လှူခဲ့နိုင်တဲ့ အရာအားလုံးကို လှူဒါန်းခဲ့တာ ဖြစ်ပါတယ်။ ပရိသတ်ကြီးလည်း မုဏ်းရဲ့ အလှူလေးကို သာဓုခေါ်ပေးကြပါဦးနော်။
မိုမိုလေး
