ဂီတတံခါးလေးဖွင့်ပါဦး အစီအစဉ်က ဝါသနာရှင် ကလေးအဆိုတော်လေး၊ မြန်မာအိုင်ဒေါ ပြိုင်ပွဲကြီးရဲ့ ပြိုင်ပွဲဝင် အေးမြဖြူလေးက အနုပညာလောကထဲကို တစ်လှမ်းပြီးတစ်လှမ်းဝင်ရောက်လာခဲ့ပါတယ်။
ယခုလည်း သမ္မတအိမ်တော်မှာ ဝါရင့်အဆိုတော်ကြီးတွေနဲ့ တွဲဖက်ပြီး သီချင်းသီဆိုခွင့်ရခဲ့ကြောင်းကို သူမရဲ့ ဖေ့ဘုတ်စာမျက်နှာထက်ကနေ ဂုဏ်ယူစွာ ဖော်ပြလာခဲ့တာဖြစ်ပါတယ်။ သမ္မတအိမ်တော်က ဖျော်ဖြေပွဲမှာ မြန်မာဝတ်စုံလေးနဲ့ မဟာဆန်ဆန် တက်ရောက်ဖျော်ဖြေခဲ့တဲ့ အေးမြဖြူရဲ့ ပုံရိပ်တွေကို ဖော်ပြပေးချင်ပါတယ်။
သူမကို ငယ်စဉ်တည်းက မြန်မာသံစဉ်တွေ သင်ပေးခဲ့တဲ့ အဘွားဒေါ်တင်တင်မြနဲ့လည်း တွဲဖက်ပြီး ဓာတ်ပုံရိုက်ကူးခဲ့ပါသေးတယ်။
အဆိုရော၊ သရုပ်ဆောင်ပိုင်းမှာပါ လျှမ်းလျှမ်းတောက် အောင်မြင်ခဲ့တဲ့ တစ်ချိန်က အန်တီချိုပြုံးကလည်း သူမကို ချစ်ပါသတဲ့နော်။
ဒါ့အပြင် အနုပညာလောကထဲက ဝါရင့် သရုပ်ဆောင်ကြီးတွေနဲ့ တွေ့ဆုံခွင့်ရခဲ့ပါသေးတယ်။ အေးမြဖြူဟာ သိပ်မကြာခင်အချိန်မှာပဲ ဒါရိုက်တာဏကြီး ရိုက်ကူးပြီး အကယ်ဒမီ ပိုင်ဖြိုးသုအပြင် အခြားသော အနုပညာရှင်တွေပါဝင်တဲ့ ချစ်ခင်စမှော်ရုံ ရုပ်ရှင်ဇာတ်ကားကြီးမှာ ပါဝင်သရုပ်ဆောင်သွားမှာဖြစ်ပါတယ်။ သူမဟာ ငယ်စဉ်တည်းကလည်း ကလေးသရုပ်ဆောင်အဖြစ် ပါဝင်ခဲ့တဲ့ ဇာတ်ကားတွေ ရှိခဲ့ပါတယ်။
ပရိသတ်တွေရဲ့ အချစ် မိုးသိုလေး အေးမြဖြူ ဒီထက်မက ပိုမိုအောင်မြင်စွာ လျှောက်လှမ်းနိုင်ပါစေလို့ Cele Star မှ ဆုတောင်းပေးလိုက်ပါတယ်နော်။
Cele Star
