သရုပ်ဆောင် စမိုင်းလ်က သူမနဲ့အတူ ရွှေတိဂုံ-ကျိုက်ထီးရိုး ကက်ကင်းအဓိဌာန်ဝင်မယ့်သူ အယောက် (၁၅၀၀) အတွက် နှာခေါင်းစီး Mask တွေလှူသွားမယ်လို့သိရပါတယ်။
စမိုင်းလ်က ရွှေတိဂုံ-ကျိုက်ထီးရိုး မနက်သွား ညပြန် ကက်ကင်းအဓိဌာန်လေးကို ဖေဖော်ဝါရီလ ၁၀ ရက်နေ့မှာ လူပေါင်း (၁၅၀၀) အတွက် ကုသိုလ်ယူနိုင်အောင် စီစဉ်ပေးထားတာဖြစ်ပါတယ်။ စမိုင်းလ်ဟာ သူကိုယ်တိုင် ဘုရားတရားလုပ်ရုံတင်မက သူမရဲ့ ပရိသတ်တွေကိုပါ ဘာသာတရားမမေ့လျော့အောင် စွမ်းဆောင်နိုင်သူပါ။ သူမကိုယ်တိုင်ဦးဆောင်ပြီး ပြုလုပ်ခဲ့တဲ့ ကျိုက်ငါးကျိုက်၊ ညောင်ဆယ်ပင် အဓိဌာန်တွေဟာ လူပေါင်းထောင်ကျော်ပါဝင်ခဲ့တဲ့ အဓိဌာန်တွေပဲဖြစ်ပါတယ်။
ယခု ရွှေတိဂုံ-ကျိုက်ထီးရိုး ကက်ကင်းအဓိဌာန်အတွက်လည်း လူပေါင်း (၁၅၀၀) စာကို အချိန်ကုန်ခံ၊ ငွေကုန်ခံပြီး မေတ္တာနဲ့ ကူညီဆောင်ရွက်စီစဉ်နေတာဖြစ်ပါတယ်။
ကိုရိုနာဗိုင်းရပ်စ်ပျံ့ပွားလာနေတာကြောင့် လူထူထပ်တဲ့နေရာတွေမှာ အကာအကွယ်ရနိုင်ဖို့အတွက် လူပေါင်း (၁၅၀၀) စာအတွက်ကို Mask တွေ ဝေငှလှူဒါန်းသွားမယ်လို့သိရပါတယ်။ အဲ့အတွက်ကြောင့် စမိုင်းလ်က Mask ပေါင်း ၁၅၀၀ ကို မှာယူလို့ရနိုင်မယ့် ဆိုင်လေးကိုပါ မေးမြန်းစုံစမ်းနေတာဖြစ်ပါတယ်။
ပရိသတ်ကြီးထဲမှာလည်း Mask ပေါင်း ၁၅၀၀ ကိုအလွယ်တကူဝယ်ယူရရှိနိုင်မယ့် နေရာများရှိရင် ကုသိုလ်ရေးအတွက်တစ်ဖက်တစ်လမ်းကနေ အထောက်အကူဖြစ်အောင် ဝေမျှသွားပေးကြပါဦးနော်။
Cele Star
