စည်ဖြိုးဆိုတဲ့ နာမည်လေးကြားလိုက်ရုံနဲ့ ပရဟိတလုပ်ငန်းတွေနဲ့ အလှူအတန်းတွေ ရက်ရက်ရောရော လုပ်ကိုင်တဲ့ မင်းသားချောလေးကို မြင်ယောင်မိကြမယ် ထင်ပါတယ်။ စည်ဖြိုးက သူ့ရဲ့ အနုပညာကြောင့်သာမက သူတို့မိသားစုရဲ့ ကြီးကျယ်တဲ့ အလှူအတန်းတွေကြောင့် ပရိသတ်တွေကြားမှာ ကောင်းသတင်းကျော်ဇော်သူ တစ်ယောက် ဖြစ်ပါတယ်။ ဒီနေ့မှာတော့ စည်ဖြိုးက ဝမ်းသာစရာကောင်းတဲ့ သတင်းစကားလေးတစ်ခုကို ပရိသတ်တွေအတွက် အခုလိုပဲ မျှဝေထားပါတယ်။
“ကျွန်တော် နဲ့ ကျွန်တော်ချစ်ရတဲ့ မေကြီးနဲ့အတူ ထိုင်းနိုင်ငံရဲ့ နံပါတ်(၁)အ ကြီးဆုံးမီဒီယာကုမ္ပဏီကြီး တစ်ခုဖြစ်တဲ့ Grammy Media Conglomerate(GMM) Entertainment Companyမှ နာမည်ကြီး program တစ်ခုဖြစ်တဲ့ အထင်ကရမိသားစုများ(Successful Families)အစီအစဉ်မှာ ပါဝင်ရိုက်ကူးမှာပါ။”
“ဖေဖော်ဝါရီလ ၃ရက်နေ့ မြန်မာစံတော်ချိန် ည၉နာရီခွဲမှာ တိုက်ရိုက်(Live)ထုတ်လွှင့် ပြသသွားမှာ ကျွန်တော်နဲ့ မေကြီးက ပါဝင်သွားမှာ ဖြစ်တဲ့အတွက် ကျွန်တော်နဲ့ မေကြီးကို ချစ်ခင်တဲ့သူတွေအတွက် ကြည့်စေချင်လို့ အားပေးကြပါဦးနော်။” ဆိုပြီး ပြောထားပါတယ်။
စည်ဖြိုးတို့ သားအမိနှစ်ယောက်ဟာ သားအမိတွေဖြစ်ပေမယ့် သူငယ်ချင်းလိုလည်း တစ်ယောက်နဲ့တစ်ယောက် နားလည်မှုအပြည့်ရှိတာကြောင့် ပရိသတ်တွေက အားကျချစ်ခင်ရတာပဲ ဖြစ်ပါတယ်။
စည်ဖြိုးတို့ သားအမိကတော့ ထိုင်းနိုင်ငံရဲ့ နံပါတ်(၁)အ ကြီးဆုံးမီဒီယာကုမ္ပဏီကြီးမှာ နာမည်ကြီး program တစ်ခုကို ရိုက်ကူးရမှာ အရမ်းဂုဏ်ယူဖို့ ကောင်းတာပဲနော်။ ပရိသတ်ကြီးလည်း စည်ဖြိုးတို့ သားအမိကို အားပေးကြဖို့ မမေ့ပါနဲ့နော်။
မိုမိုလေး
