“တစ်ကျွန်းကျဦးဆောင်၍ ဘားအံထောင်ဖောက် ထွက်ပြေးမှု ၁၄ ဦး ပြန်လည်ဖမ်းမိ”
ထောင်ဒဏ်တစ်သက်တစ်ကျွန်း ကျခံထားရသူ ဦးဆောင်၍ ဘားအံအကျဉ်းထောင်ရှိ အကျဉ်းသား ၄၁ ဦးက ယမန်နေ့နံနက်တွင် ထောင်ပိုင်ကားကို လုယူထွက်ပြေးရာ ည ၈ နာရီအထိ ၁၄ ဦး ပြန်လည်ဖမ်းမိခဲ့ပြီး လွတ်မြောက်နေသော ၂၇ ဦးကို မြန်မာ – ထိုင်း နယ်စပ်တစ်လျှောက် အပါအ၀င် နေရာစုံ၌ ပိတ်ဆို့ရှာဖွေနေသည်။
စက်တင်ဘာ ၁၆ ရက်နံ နက် ၈ နာရီ မိနစ် ၄၀ ဝန်းကျင်က ဘားအံမြို့အကျဉ်းထောင်ဝင်းအတွင်း အကျဉ်းသားများ သန့်ရှင်းရေး လုပ်နေချိန်တွင် လူသတ်မှု၊ လက်နက်မှု၊ မူးယစ်ဆေးမှုတို့ဖြင့် ပြစ်ဒဏ်ကျနေသူ ၄၁ ဦးက ထောင်ပိုင်အမှိုက်သိမ်းကားကို လုယူထွက်ပြေးသွားခြင်းဖြစ်သည်။
‘‘ခေါင်းဆောင်တဲ့သူက ထောင်ဒဏ်တစ်သက် ကျတဲ့သူ။ အမှိုက်သယ်တဲ့ယာဉ်ကိုမောင်းပြီး အကျဉ်းထောင်ခြံတံခါးလေးချပ်ကို တိုက်ပြီး ထွက်သွားတာ။ အရာရှိတစ်ယောက်ဒဏ်ရာရတယ်’’ ဟု အကျဉ်းဦးစီးဌာန ဒုတိယညွှန်ကြားရေးမှူး ဦးမင်းထွန်းစိုးက ပြောသည်။
ယခုကဲ့သို့ အကျဉ်းသား ၄၁ ဦးစလုံး တစ်ချိန်တည်း ထွက်ပြေး လွတ်မြောက်ခြင်းမှာ အကျဉ်းဦးစီးဌာနတွင် သမိုင်းဝင်ဖြစ်စဉ်အဖြစ် မှတ်တမ်းဝင်သွားကြောင်း အကျဉ်းဦးစီးဌာနမှ အရာရှိဟောင်း တစ်ဦးက ၎င်း၏ဖေ့စ်ဘွတ်တွင် ရေးသားထားသည်။
မူးယစ်ဆေးနှင့် လက်နက်မှုများဖြင့် ထောင်ဒဏ်တစ်သက် တစ်ကျွန်း ကျနေသော ကျော်မိန်လ (ခ) အရှောင်က ထောင်ကားယာဉ်မောင်း အကျဉ်းထောင်ဝန်ထမ်း ဒုတပ်ကြပ် ကျော်ဝင်းစိန်ကို ဆွဲချ ထိုးကြိတ်၍ ကားကို မောင်းပြီး ထောင်တံခါး လေးဆင့်ကို တိုက်ဖွင့်ကာ ထောင်ရှေ့ရှိ ဘားအံ-လှိုင်းဘွဲ ကားလမ်းအတိုင်း ထွက်ပြေးခြင်းဖြစ်သည်ဟု ဆိုသည်။ အမှိုက်ကားပေါ်နှင့် ကားအောက်တွင် အကျဉ်းသား စုစုပေါင်း ၄၁ ဦး လိုက်ပါသွားခဲ့သည်ဟု ထုတ်ပြန်သည်။ ၎င်းတို့ကိုတပ်မတော်၊ ရဲတပ်ဖွဲ့နှင့် နယ်ခြားစောင့်တပ်ဖွဲ့ (BGF) က ပိတ်ဆို့ရှာဖွေရာ ဦးဆောင်သူ အပါအ၀င် စက်တင်ဘာ ၁၆ ရက်ည ၈ နာရီခန့်အထိ ၁၄ ဦး ပြန်လည်ဖမ်းမိခဲ့သည်ဟု ဦးမင်းထွန်းစိုးက ပြောသည်။
‘‘မြ၀တီမှာဆို ပူးပေါင်းဂိတ်မှာ တစ်ဖွဲ့၊ ချစ်ကြည်ရေးတံတားမှာ တစ်ဖွဲ့၊ သောင်ရင်းမြစ်ကနေ ဖြတ်မကူးနိုင်အောင်လည်း BGF ကစောင့်နေတယ်။ ထောင်သားတွေနဲ့ တူနိုင်တဲ့သွင်ပြင်လက္ခဏာတွေ၊ အထူးသဖြင့် လက်ကောက်ဝတ်နေရာမှာ ဒဏ်ရာရှိတဲ့သူတွေ၊ မသင်္ကာရသူတွေကို သတင်းပို့ဖို့ အကုန်ဖြန့်ထားတယ်။ ထိုင်းဘက်ကို မကူးနိုင်အောင်’’ ဟု မြ၀တီခရိုင်ရဲတပ်ဖွဲ့မှူး ရဲမှူးကြီးအောင်နိုင်ထွန်းက ပြောသည်။
အမျိုးသားရေး ပညာရေးသပိတ် ဆန္ဒပြ ကျောင်းသားခေါင်းဆောင်ဟောင်း တစ်ဦးဖြစ်ပြီး ဘားအံအကျဉ်းထောင်တွင် ခုနနှစ် ပြစ်ဒဏ်ကျခံခဲ့ဖူးသော ကိုနန္ဒာစစ်အောင်က . . .
‘‘ဘားအံထောင်မှာ ထောင်ဘူးက အဲဒီလောက်ကားနဲ့ တိုက်ပြေးရအောင် မလွယ်ဘူး။ ကျွန်တော်တို့ နှစ်ရှည်နေလာတဲ့ ထောင်။ ထောင်ကျအဆောင်မှာ အဆောင်ဝင်းသက်သက်။ တိုက်ဝင်းကသက်သက်။ ထောင်ကျတွေကို ထောင်ဝင်းထဲ အဲလိုလူ ၄၀ လောက်ထုတ်ထားလေ့မှ မရှိတာ။ ထောင်ကျဆောင်နဲ့ မျက်နှာချင်းဆိုင် ဆေးခန်းတောင် လွယ်လွယ်သွားလို့ ရကြတာမှ မဟုတ်တာ။
ထောင်ဘူးတံခါးက ဒီလောက်ထုထည်ကြီးကြီးကြီးကို။ ကားနဲ့တိုက်ဖွင့်ဖို့ လွယ်ပါ့မလား။ ကျွန်တာ့်အထင်တော့ မပွင့်လောက်ဘူးထင်တယ်။ (ကျွန် တော် ထင်မြင်ချက်ပြောတာပါ။)
နောက်ဒီနေ့က တနင်္ဂနွေ အလုပ်ဘုတ်ရော၊ ထောင်အပြင် ဘုတ်ပါ ပိတ်ရက်။ ထောင်တံခါးမကြီးကို ပိတ်ထားတာ။ ထောင်ဝင်းထဲရော၊ အပြင်ကိုရော အကျဉ်းသား အလုပ်ဘုတ်မှ မထုတ်တာ။ တနင်္ဂနွေ၊ တနင်္လာကလွဲလို့ ခါတိုင်းရက်တွေမှ ဘူးတံခါးပေါက်ငယ်က အပြင်ဘုတ် အဲ ၈ နာရီခွဲ လောက်ဆို ထုတ်သေးတယ်။ ထူးဆန်းတယ်။ ဘားအံထောင်မှာ ၂၀၀၅ ကနေ ၂၀၁၂ အထိ ကျွန်တော် ခုနစ်နှစ် နေလာရတာ။ ဒီထောင်ဓလေ့ကို ကျွန်တော် အတော်နားလည်တယ်။ နောက်. . . အဲထောင်ကားမောင်းတဲ့ ကိုကျော်ဝင်းစိန်ဆိုတာ ထောင်ဝန်ထမ်းမိသားစုသန္ဓေ။ ထောင်သဘာ။ အတော်သတိကြီးတဲ့သူ။ နောက် ထောင်နှစ် အကန့်သတ်မရှိတို့ လွတ်ရက်မရှိတို့ ဆိုတာက ပုံမှန် အားဖြင့်တော့ ကျွန်တော်တို့ ရှိတုန်းကတိုက်မှာထားတာ။ အပြင် ထောင်ကျဆောင်ထားလည်း သူတို့ကို ထောင်ဝင်းထဲတောင် အလုပ်မှ ထုတ်ခိုင်းလေ့မရှိတာ။ အတော်အံသြစရာကိစ္စပဲ’’ဟု ၎င်း၏ ဖေ့စ်ဘွတ်ခ်တွင် ယမန်နေ့ညက ရေးသားထားသည်။
ထို့အပြင် လွန်ခဲ့သော လေးနှစ်ခန့်က နေအိမ်မီးလောင်မှုကြောင့် ထောင်သုံးလကျဖူးပြီး ထောင်တွင်းအတွေ့အကြုံ အထိုက်အလျောက်ရှိခဲ့သူ ကလေးလွင်ပြင် အရပ်ဘက်အဖွဲ့မှ ကိုသန့်ဇင်လင်းက လုံခြုံရေးအထပ်ထပ် တားဆီးကာရံထားလေ့ရှိသည့် အကျဉ်းထောင်ဝင်းအတွင်းမှ လူ ၄၀ ကျော် တစ်ပြိုင်နက် ထွက်ပြေး လွတ်မြောက်သွားသည့် ဖြစ်ရပ်သည် အလွန်အံ့သြစရာ ကောင်းသည်ဟု ဝေဖန်သည်။
‘‘ထောင်ရဲ့မူအရ တံခါးတစ်ချပ်ဟာ ဖွင့်ပြီးလို့ ဖြတ်သွားပြီးတာနဲ့ ပြန်ပိတ်တာပဲ။ အထဲက အလယ်မှာလဲ ထောင်အရာရှိနဲ့ ဝန်ထမ်းတွေ ၂၄ နာရီ တာဝန်ယူရတဲ့ အဆောင်လေးက ရှိနေသေးတယ်။ နောက်တစ်ခုက ထောင်တွေမှာ ပေးထားတဲ့ ကားတွေအများစုက ဘယ်ကားမှ မကောင်း ဘူး။ ဒါကြောင့်မို့ အဲဒီကားအများစုဟာ စတတ်ဘက်ထရီမကောင်းလို့ ထောင်သားတွေနဲ့ တွန်းနှိုးရ တာက ဆောင်းတိုင်းလိုလိုပဲ။ အဲ ဒီလို အတွန်းကောင်းလို့ ထောင်သားတွေ ထွက်ပြေးဖူးတယ်။ ဒီတစ်ကြိမ် ဘားအံထောင်ကနေ ကားလုပြီး မောင်းပြေးတဲ့သူတွေ အင်မတန် ကံကောင်းတာပဲ။ ကားပေါ် လူ ၄၀ ကျော်တက်တာ ထောင်အထဲက တာဝန်ရှိသူတွေ ဘာမှမသိလိုက်ဘူး။ တရကြမ်း မောင်းတဲ့ ကားပေါ်ကနေ တစ်ယောက်မှ လိမ့်ကျမကျန်ခဲ့ဘူး။ ပိုကံကောင်းတာက ထောင်တံခါး သော့ကိုင်ရတဲ့ ဝန်ထမ်းပါ၊ အမြဲ အပေါက်ဝမှာ ရပ်ပြီးတာဝန်ယူရတဲ့သူက ကားဝင်တိုက်တဲ့ တံခါးတွေနဲ့ မတိုက်မိ၊ မထိခိုက်တာပဲ၊ အင်မတန် ကံကြီးပါပေ့’’ ဟု လူမှုကွန်ရက်တွင် ရေးသားထား သည်။
ရဲတပ်ဖွဲ့နှင့် အကျဉ်းထောင် ၀န်ထမ်းများရှိလျက် အကျဉ်းသားအုပ်စုလိုက် လွတ်မြောက်ခြင်းသည် တာဝန်ရှိသူများ၏လုပ်ရပ်ကို ဆန်းစစ်ရန် လိုကြောင်း ဘားအံမြို့ခံများနှင့် အရပ်ဘက် အဖွဲ့များက ပြင်းပြင်းထန်ထန် ဝေဖန်သည်။
‘‘ဖြစ်ပြီးမှ ပြောတာမျိုး မဟုတ်ဘူး။ အကျဉ်းထောင်က အများကြီး ပေါ့လျော့တယ်။ အခု လွတ်သွားသူတွေက လမ်းစရိတ် ဘာညာရဖို့ လုယက်၊ လူသတ်ပြီးထွက်ပြေးဖို့လည်း ၀န်လေးမှာ မဟုတ်ဘူး။ သတိနဲ့ သွားလာကြဖို့ မြို့ခံတွေကို သတိပေးနေတယ်’’ ဟု လူ့ဘောင်သစ်ဒီမိုကရက်တစ်ပါတီ ဘားအံမြို့နယ်ကော်မတီဝင် ဦးဇော်ရဲထက်က ပြောသည်။
အကျဉ်းသား ၄၀ ဦး တစ်ပြိုင်နက်လွတ်မြောက်ခြင်းသည် သံသယ ဝင်စရာဖြစ်နေသည်ဟု နိုင်ငံရေးစိတ်ပါဝင်စားသူ ဦးမင်းညွန့် က ပြောသည်။
‘‘သိပ်လွယ်လွန်းတော့လည်း သံသယရှိစရာပဲလေ။ ဘာကြောင့် ဒီလောက်လွယ်ရတာလဲ’’ ဟု မေးခွန်းထုတ်သည်။
ကရင်ပြည်နယ် လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီး မျိုးမင်းနောင်၏ ဖုန်းသို့ ဆက်သွယ်မေးမြန်းရာ ၎င်း၏မိသားစုဝင် တစ်ဦးက ဖုန်းကိုင်ဆောင်ပြီး ဆက်သွယ်မည်ဟု ဆိုသော်လည်း ပြန်လည် ဆက်သွယ်ခြင်းမရှိပေ။ အကျဉ်းသားများ ထွက်ပြေးလွတ်မြောက်မှုအတွင်း အကျဉ်းထောင် တာဝန်ရှိသူများအား မည်ကဲ့သို့ အရေးယူမည်ကို မသိရသေးဟု အကျဉ်းဦးစီးဌာန (နေပြည်တော်)က ပြောသည်။
ထွက်ပြေးသည့် အကျဉ်းသား ၄၀ ဦးဖြစ်ကြောင်း အကျဉ်းဦးစီးဌာနက ပြောသော်လည်း ကရင်ပြည်နယ်ရဲတပ်ဖွဲ့က မီဒီယာအချို့အား ၄၁ ဦးဟု ဖြေကြားထားသည်။ ထွက်ပြေးသူများအနက် ၂ နှစ်ပြစ်ဒဏ်မှ
လွတ်မြောက်ရန် သုံးလသာလိုတော့သည့် အကျဉ်းသားတစ်ဦးလည်း ပါဝင်သည်ဟု ဒေသခံများက ဆိုသည်။ လွတ်မြောက်နေဆဲ အကျဉ်းသား များကို လှိုင်းဘွဲမြို့နယ်ရှိ သစ်တောကြိုးဝိုင်း အတွင်းတွင်လည်း လိုက်လံရှာဖွေနေသည်။
ကရင်ပြည်နယ် တရားလွှတ်တော် တရားသူကြီးချုပ် ဦးဆောင်သော စစ်ဆေးရေးအဖွဲ့က ဘားအံအကျဉ်းထောင်ကို စက်တင်ဘာ ၆ ရက်က သွားရောက်စစ်ဆေးခဲ့သေးသည်။ ဘားအံအကျဉ်းထောင်တွင် အကျဉ်းသား နှစ်ထောင်ခန့်ရှိသည်။
Credit-7Day (17 September 2018)
