ဇာတ်ပို့ ၊ ဇာတ်ရံတစ်ဦးဖြစ်သလို ဟာသသရုပ်ဆောင်တစ်ဦးဖြစ်တဲ့ ကျော်ထူးက မြန်မာနိုင်ငံရဲ့အနုပညာဈေးကွက်နဲ့ ပတ်သက်ပြီး သူ့ ထင်မြင်ချက် သုံးသပ်ချက်တွေကို ရင်ဖွင့်ပြောကြားလိုက်ပါတယ်။
အထူးသဖြင့် မြန်မာနိုင်ငံရဲ့ အနုပညာကြေးရရှိမှုမှာ မင်းသားဈေးကွက်က အဓိကကျတဲ့အကြောင်းကို “ မြန်မာနိုင်ငံရဲ့စီးပွားရေးဈေးကွက်ကြီးကိုက မင်းသားဈေးကွက်ကို အဓိကထားတယ်။ မင်းသမီးတွေဆို မိတ်ကပ်ဖိုး၊ အ၀တ်အစားဖိုးတွေလည်း ကုန်သေးတော့ ရတာနဲ့တောင်လောက်မှာ မဟုတ်လောက်ဘူး။ မင်းသမီးတွေပြီးမှ ဇာတ်ပို့တွေပေါ့။ ပရိုဂျူဆာအနေနဲ့ကလည်း ငွေပမာဏတွေကို တွက်ချက်ပြီးမှ လုပ်ရတယ်။ ရုပ်ရှင်ရုံနည်းတဲ့အတွက် ရင်းနှီးငွေများတယ်။ ရင်းနှီးငွေများတဲ့အတွက် ၀ိတ်လျော့မယ်။ ၀ိတ်လျော့တဲ့အထဲမှာ လူရွှင်တော်တွေပါတာပေါ့ ” လို့ ကျော်ထူးက မေးမြန်းချက်ကို ပြန်လည်ဖြေဆိုပါတယ်။ အခုလက်ရှိ လူရွှင်တော်တွေယူတဲ့ အနုပညာကြေးဆိုရင် မင်းသားတစ်ယောက်ရဲ့ကားဒရိုင်ဘာ တစ်ယောက်လစာလောက်ပဲရရှိပြီး မိသားစုစားဝတ်နေရေးအတွက်တော့ ၀ါသနာပါရာအနုပညာကို လုပ်ဖြစ်နေရဦးမယ်လို့ လည်း ဆက်လက်ပြောပြခဲ့ပါတယ်။
” ကိုယ်တွေလည်း ဒီပညာတစ်ခုပဲတတ်တော့ တစ်ခြားစီးပွားရေးလည်းမရှိ။ သူတို့ကတော့တစ်လလုံး တစ်ကားပဲရိုက်ဦး ၀င်ငွေရှိတော့ စီးပွားရေးလုပ်နိုင်တယ်လေ။ အစ်ကိုတို့ကျတော့ တစ်လလေးကားရိုက်လည်း အဆင်မပြေနိုင်ဘူး။ မိသားစုနဲ့ မိဘ စားဝတ်နေရေးရှိတယ်။ ဒါပေမဲ့ ဒီလိုပဲ ကျင်လည်သွားရမှာပေ့ါ။ ဒီအလုပ်ကိုပဲ ၀ါသနာပါလာပြီး ဒီအလုပ်ကို မစွန့်လွှတ်နိုင်တဲ့အတွက်တော့ ဒီအလုပ်ကို မသေမချင်းလုပ်သွားမှာပါ ” လို့ ကျော်ထူးက ရင်ဖွင့်ပြောဆိုလာပါတယ်။
မှတ်ချက်-အကုန်သိသတင်းစာမျက်နှာမှတဆင့်ကူးယူဖော်ပြထားခြင်းဖြစ်ပါသည်။
